Elelo ldoropa ya Shakati tali dimipo omikuli adishe dili komadina oonakufya

Elelo lo doropa ya Oshakati ola yandja elombwelo oku kufa etokolo opo lidimepo omikuli domayakulo a Muni komaumbo oo eli komadina oonakufya.

Oo eli omupopiliko welelo lodoropa yOshakati  Katarina Kamari, okwa lombwela odjo yoku  kundaneka yo  Nampa onghela kutya eenghendabala oda tulwa moilonga opo ku kufwepo onghalo yomadubalalo opashimaliwa apalamena ovakalimo modoropa.

Shelikwatelela ku Kamari,  okwati etokolo ola tulwa moilonga shalandula komapekaapeko oo ali aningwa keweiliko olo lamona kutya ee accounts didulife 147 odili komadina oonakufya nodili momikuli doshimaliwa osho shafikama pee  N.dollars 5 million.’

Okwati omikuli oda kwatelamo omayakulo elongifo lomeva, ekufepo lo mandoloma oimbodi, eyakulo lakadima mundilo, oku tumbulapo ashike imwepo.

Kamari tayelifa nghene oshinyangadalwa sha tulwa nale moilonga okudja momwedi ou tuli wa February 2025 opo eengunga adishe odo dili komadina oonakufya dikufwepo tati ota shiningwa ina kutalika kutya odifike peni.

Okwati ovapambele voo nakufya ota vapulwa vafike peembelewa delelo lodoropa ya Shakati tava etelele ondjapo yefyo, okamutwe kanakufya oshoyo okamutwe no mauyelele aeshe ao ena oshinakuwanifwa sheumbo pefimbo eli.

Photo:Contributed