Omuvalu waavo va xulifila moshiponga shodila mo Sudan wafikama po 46

Omuvalu wo vanhu va xulifila moshiponga shodila yetanga lo pakwaita metivali monooli ya Sudana okwa lopotwa wafikama paife po 46.

Omalelo oshilongo osho onghela okwati omuvalu woo nakuningwa oihakanwa moshiponga shodila osho sha holoka metivali paife owafikama po 46, omaga 10 vafiwa vamona oiponga.

Oshikundaneki sho papangelo moshilongo osho osha lopota kutya, mokati kaavo vaxulifila moshiponga shodila omwa kwatelwa ovakwaita vetanga leameno oshoyo ovakwashiwana.

Omalelo ouhaku moshilongo osho okwati okwe lipyakidila noku tu tumba omalutu oonakufya okudja poshiningwanima odila oyo taku lopotwa yelidenga meumbo tali hangwa mo mudingonoko wa Al-Hara 75 mo shitopolwa sha Omdurman.

Odila ota kulopotwa ya hangwa ya katuka okudja mokamba yetanga leameno lopakwaita ya  Wadi Seidna Airbase, oyo taihangwa lunga ee 22 km mo nooli yo shilando  Khartoum,  pefimbo yelidengapo tamu xulifile ovo valimo mwa kwatelwa ovanambelewa vetanga leameno.

Odjo yetanga lopakwaita moshilogo osho ya popya noikundaneki meholeko oyati, odila oyali ina oupyakadi wo pautekinika no yahangwa molweendo letumo lopakwaita ya humbata vamwe vomovanambelewa vopombada metanga leameno.

Ookatale konawa tava lombwele oikundaneki kutya, odila omanga ina ilidengapo oyali tailotoka oshinano shili pedu neenghono nolwanima oye lindwangula pedu no kuhaka omundilo.

Shelikwatelela koikundaneki ya Sudan, oyati mokati kaavo va xulifila moshiponga omwa kwatelwa ondjayi yetanga leameno,  ovanambelewa vopombada metanga leameno,  ovakwaita vetanga leameno oshoyo ovakwashiwana veli 5.

Eumbo olo mwelidenga odila nalo okwa lopotwa yoo lafiwa laningilwa omunyonena wakula.

Oshiponga sho dila mo Sudan,  osha holoka pefimbo oshilongo shili moupyakadi wo mumbwe yo makwafo opaulumomumbwe, omolwo oita yo pashiwana oyo ili  pokati ketanga leameno la Sudan, no ngudu yelihomateka taikondjifa epangelo yo  Rapid Support Forces, okudja nghene oita ya hovelele mu April 2023.

Onghalo yoita yo pashiwana mo Sudan oya twaalelifa eemwenyo dovakwashiwana vedulife po   29,600 omanga ovanhu vedulife  15 million  vafininikwa konghalo oku tembukamo momaumbo aavo noku kakonga eameno.