Oshiwana mo Sudan osha taalela onghalo yo ndjala konima eshi US axulifapo omakwafo

Omuvalu wo vanhu omayovi nomafele okwa teelelika vaka taalele oupyakadi wondjala mo Sudan shalandula komakwafo opaulumomumbwe oo axulifwapo kepangelo la US.

Eelopota doshikundaneki sho BBC odati omakwafo akala haapewa oshilongo osho oo axulifwapo , okwa fikama pee 80% omo mwakwatelwa oku yandja oikulya kovanhu veli moupyakadi woita yopashiwana moshilongo osho.

Ovanambelewa voku liyamba oku yandja omakwafelo ovati etokolo lomu President Donald Trump,  oku xulifapo omakwafo oo akala noku yandjwa kehangano linasha no mayambulepo  la US (USAID)  oule womafiku eli 90, ola etififa opo eenele dokutelekela oikulya ya kala haipewa ovo veli momumbwe dakonda pe 1,100 dixulifwepo.

Omuvalu wovanhu vefike lunga pee 2 million okwa teelelika vaka xupe shokadila moule wefimbo twa taalela.

Onghalo yoita pokati ketanga  leameno no ngudu taikondjfa epangelo yo Rapid Support Forces (RSF)  oya twaalelifa eemwenyo dovanhu omayovi no mafele omanga ovanhu eemillion vafininikwa konghalo oku taukamo mo maumbo avo okudja nghene omakuyunguto ahovelele mu April 2023.