Okawe kamwe komouwe ovo va vakwapo okudja mo Namdia kamonika

Ehangano lo Namdia ola shiivifa lamonapo okawe oko kali kavakwapo kongushu yee  N$40.6 million.

Okawe oko kamonika oko mouwe vongushu yo shimaliwa shee N$314.9 va kala vehewetike.

Oo eli omupopiliko wehangano lo Namdia, Beverly Coussement, okwe shikoleka momukanda oo apitifila oikundaneki ongula yonena.

Nande ongaho ina yelifa kutya okawe akeshe kumwe oko ka vakelwepo okali kefike peni ile apopye opo kahangwa.

Olopota yapitifwa nena oili yo tete taipitifwa kehangano lo Namdia,  shinasha nokawe kavakwapo okudja mo shiningwanima shomunyeka kwahomatiwa osho shali sha ningilwa ehangano mu January neudo.

Exwatununo louyelele oleya poluhaela konima ashike yefiku limwe eshi oo eli omupresident wongudu yo PDM McHenry Venaan,  ali apula opo omu Prime Minister Saara Kuugonelwa-Amadhila,  ayelifile eumbo lomutumba wo pashiwana kombinga youyelele unasha nokawe oko kavakwapo okudja pomunyeka kwahomatiwa oo wali waningilwa Namdia.

Olopota ya Namdia taipopi kutya okwa ningwa omalongekido eameno metungo,  shalandula eshi etungo lali laningilwa omunyeka kwa homatiwa mo 18 January 2025, no vanailonga ovaa lukila mombelewa omandaxa 03 March 2025,

Ovafeekelwa moshiningwanima shomunyeka kwahomatiwa Joel Angula na Sam Shololo onghee veli natango metonatelo lopolifi.