O Cannabis yoodola dha konda 500 000 dhiitsuwa mofaalama ko Ariamsvlei

Omuniilonga gomofaalama ko Ariamsvlei okwiitsu iingangamithi yo Cannabis yongushu yoodola 500 000 mofalama.
Omukwatakanithi gwekondololo lyiimbuluma moshitopolwa Kharas Dep Comm Nikodemus Mbango okwati omuniilonga okwiitsu ondjato yuudha o cannabis petata lyoheyali yokomatango molyomakaya ,mofaalama yili oshinano shoo kilometre mbali okuza mo Ariamsvlei okuuka koongamba dha Nakop.
Tati opolisi oya tseyithilwa oshiningwanima,naasho ya tala nawa mondjato,oyaadhamo o cannabis .
Pomudhingoloko opwa talika nawa,ashike opu wetike ashike oompadhi,notashi ulike kutya ondjato oya kala ethimbo,oomwedhi dhontumba.tashi vulika ya holekwa kaandjondji yiingangamithi.