IUM ayeulula endiki lipe kEenhana moshitopolwa sha Hangwena

Oshiputudilo shelongo lopombada moshilongo sho International University of Management (IUM) osha yeulula pambelewa endiki lasho keEnhana moshitopolwa sha Hangwena.

Endiki ota kulopotwa la tungwapo koshimaliwa shee  N$45 million.

Oo eli omukokoli nokuli omunashipundi wewiliko loshiputudilo sho IUM Prof David Namwandi,  moshipopiwa shaye pefimbo leyeululo pambelewa okwa yandja olupandu laye kwaa veshe ovo va yambidida mokweetapo endiki lidule oku yambukapo tayandje oshiholelwa shomupresident kwali woshilongo Hifikepunye Pohamba.

Okwati eyambulepo loshiputudilo sho IUM, ola kala noku yakula omakwafelo no matwomukumo okudja kovanhu vayooloka moshilongo no pondje, ashike okwa denga omufindo nghene eyambidido la Pohamba, lili lelikalekelwa temuhokolola nghene eli kaume kashili koshiputudilo.

Oshiputudilo sho IUM, osha totelwepo oshikando shotete mo 1994, no mopaife ota shihangwa omandiki eli 5, mwa kwatelwa olo ta lihangwa Windhoek, Swakopmund, Nkurenkuru, Ongwediva naalo la patululwa moshitopolwa sha Hangwena.

Ovalongwa vefike pe 1 321 okwa lopotwa vahovela nelongo moshiputudilo sha Eenhana oku hovela pehovelo lomudo ou tuli.