Omukalelipo shilongo wa South Africa mo USA, apewa eevili 72 afiyepo oshilongo

Omukalelipo shilongo wa South Africa ko USA, okwa lopotwa apewa oule fimbo weevili 72 opo akale adjamo moshilongo omo.

Chrispin Phiri, eli omupopiliko woshikondo shelongelo kumwe loikwapondje no makwatafano okwe shikoleka koshikundaneki sho  News24 molomakaya, kutya ova yakula omukanda lekelo opo ovanambelewa vetumo la SA, ovo velilepo oshilongo mo U.S vakale vadjamo moshilongo meendelelo.

Omupopiliko tapopi kutya omukalelipo shilongo ota ka kala ayelifila oikundaneki konima shima afiki mo South Africa.

Hamushanga wepangelo la U.S. Marco Rubio, meshangelo olo atula komapandja oikudaneki yo malungula, okwati omukalelipo shilongo wa SA ina tambulwako vali moshilongo shavo nokwa kufwamo filu ahaendemo vali naashi osha landula koshipopiwa  osho alongifa tanyane noku popila mowii omupresident wa U.S. Donald Trump.

Shelikwatelela komukanda oo wapitifwa molomakaya okudja mombelewa yomupresident wa SA,  owati owa yakula onghundana yetatayo lomukalelipo shilongo wavo nouli yoo wanyematekwa, tau pula opo vakufimbinga va kalelapo omilandu dounadipolomate vadulike kudu, omanga tava ungaunga nonghalo youpyakadi oo weyapo.