Ovanadolongo tava kaetapo eteyo lee 210 tons depungu moshitopolwa sha Zambezi

Oshikondo sheedolongo moshilongo okwa teelelika shikakale sha etapo eteyo lee 210 tons, do shilikolomwa shepungu okudja ko farma ko Katima Mulilo.

Oshikondo shedolongo oshati osha kuna epungu 70-hectare dedu oilonga yahovelwa nayo neudo mo  7th January.

Oo eli Commissioner weedolongo moshilongo Raphael Hamunyela, okwati  farm yepungu  ota ihangwa  pokati kodropa ya Katima Mulilo neengaba da   Wenela.

Oilonga yokulima onele oyo, oya hovelelwe nayo  September 2024, osho shali sha kwatelwa komesho kuminsiter woilonga no yeendifo moshilongo  John Mutorwa.

Hamunyela pefimbo leenghundafana aado ali mudo nodjo yoku kundaneka yetu okwati okuli ahafifwa koilonga oyo ya pondolwapo fiyo opapa tati oshili oshikando shotete tashi didilikwa moule womido 20 daka dilongela.

Okwati okuna elineekelo opo omuloka utwikile opo ngeno pexulilo la April 2025 vaka etepo eteyo tali shambula.

Okwati kakele kepungu olo tali kapumbiwa moku yandja oikulya kovanadolongo oshoyo ovanailonga, likwao  ota lika pewa ombelewa yomo prima opo likwafele oshiwana shakumwa konghalo yoshikukuta