Oshikondo shokankela moshipangelo sha Windhoek Central sha mono eshina epe lyoku fika oo cell dhokankela

Ominista yuundjolowele nonkalo nawa Dr Kalumbi Shangula ohela okwa tamekitha okutula miilonga eshina lyoodola oomilion 16 lyo Cobalt-60 radiotherapy koshikondo sho Oncology moshipangelo sha Windhoek Central.
Shangula ta dhenge omuthindo kutya etulomiilonga lyeshina otali ka kwathela moku kondjitha omutenge gokankela moshilongo noku hupitha oomwenyo omayovi.
Tati Uuministeli owa kutha etokolo oku lundulula oshikondo sho Cobalt 60 radiotherapy okuya pandondo yopashinanena.
Eshina opamwe no simulator ohayi longithwa okwaadha oo cell dhoka hadhi koko pwaahena ekondololo dho ihadhi si.
O head of radiation Oncology koshipangelo sha Windhoek Central Dr Laina Iyambo okwati eshina epe itali ka yakula ashike aa Namibia,ashike naavu okuza kiishiindalongo.
Tati otaya longo ya tula ombunda moshihwa oku panga mboka yeli momusholondondo.
Tati ookankela ya taalela uunene oyokomagundji,yokoshivalelo,noyokiilyo valithi yootate,neshina lyo Cobalt 60 olya pumbwa oku gwedhwa noonzo dho brachytherapy opo ya pange hwepo okankela yokoshivalelo ,nokwaadha uuwanawa wopombanda.