Oshiputudhilo sho NUST nookuume ya tamekitha o Bloomberg Finance Lab yotango

Oshiputudhilo sho Namibia University of Science and Technology (NUST), palongelokumwe no  Mobile Telecommunications Limited (MTC) no  Namibia Investment and Finance Academy, oya tamekitha o  Bloomberg Finance Lab yotango ko   NUST ohela .

Omupevi minister gomaudhano,aagundjuka nomayakulo gopashigwana,Emma Kantema Goamas okwa holola esimano lyo lab nonakuyiwa ndjoka yina kaaneithano yopashimaliwa ya Namibia.

Tati o lab otayi kala ya simana oku nkondopeka aagundjuka,oongeshefa oonshona nodhopokati nepupi taliya lyaaleli yomapungulo,noku yambulapo oku vula kwawo oku mona eyambidhidho lyopashimaliwa,okuungunga niiponga,noku tunga oongeshefa dhoka tadhi kalapo,dhoka tadhi nana elunduluko lyopaliko.

O NUST Vice-Chancellor, Dr Erold Naomab, okwa holola etumba mopololeka,tati o Bloomberg Finance Lab oyili mondjila yimwe nelalakano lyoshiputudhilo oku ndungika aadheulwa yena owino yili pombanda  noku ya longekidhila shoka tashi pulwa komaliko gopashinanena.

Tati o Bloomberg Finance Lab otayi ka thitika omwaka pokati koku ilonga pa theory naashoka shili muuyuni washili,noku kwashilipaleka kutya aadheulwa otaya thigathanapo ngele tashiya pandjele yopauyuni.

O MTC Chief Financial Officer Thinus Smit okwati o lab oyili onga oshilongitho shopa academic noshivulithi shoshikondo shoka tashi ka nana ekwatelemo lyopashimaliwa nelongo lyomapungulo miikondo ya yooloka.

Tati elongelokuwe otali popi esimano lyelundululo lyopaungomba moku yambulapo oshikondo sha Namibia shopashimaliwa.