Ominista yiilonga niiyenditho Veikko Nekundi okwiindiile ontompa ya Aris River yi pingenwepo meendelelo ngaashi tashi vulika

Ominista yiilonga niiyenditho Veikko Nekundi ohela okwiindiile o Roads Authority yi kwashilipaleke kutya ontompa ya Aris River oya pingenwapo meendelelo ngaashi tashi vulika.

Ontompa yili mondjila yopashigwana yo B1,oshinano shoo Km 30 muutokelo wa Windhoek oya yonagulwa komeya gefundja sha landula omvula oshiwike sha piti.

Nekundi tati ontopa itayi vulu oku longwa noyina oku pingenwapo nontompa yombaana mbali.

Minister ngoka a talelepo ontoma okwa gandja omayele komukuluntu wiliki go RA Connard Lutombi a tale koku tulamo eindilo lyomeendelelo lyotendela oku kwashilipaleka kutya ontompa ompe oya manithwa pethimbo.

Minister ta tala wo ondjila yopakathimbo yoodola oomilion 10 ndjoka ya tungwa okweenditha einyengo lyiiyenditho mondjila ndjoka hayi kala yiipyakidhila pokati ka Windhoek nuumbangalantu woshilongo,okuya sigo okoongamba dha South Africa.

Lutombi peha lye tati oku tunga ontompa ompe ya Aris River otayi kwata oomwedhi dhili puheyali.

Lutombi ta gwedhako kutya ondjila okuza kokapale koodhila ka Hosea kutako yuuka kOvitoto nayo oya pata molwaashoka oya yonagulwa komvula.

Omanga ondjila onkulu pokati ka Windhoek na Okahandja ya pata,sho ontompa pokati ko Osona Village nokamba yopakwiita ya Osona yuulike ya yonuuka,notashi vulika yi gwepo.