Omutengenekwa faneko woshimaliwa sho 2025/26 ota utulwa poshitaafula mongula

Minister wemona neungaungo loshikuvila sho shiwana Ericah Shafudah, mongula metine okwa teelelika aka tule poshitaafula omutengenekwa faneko wopashimaliwa wo 2025/26.

Omutengenekwa faneko woshimaliwa oha uyandje efano loshimaliwa osho shili moshike shepangelo, osho shalongifwa, omafaneko okweehela oshoyo eemumbwe dafimana odo danuninwa omutengenekwa faneko wokomudo.

Omukanda oo wapitifilwa oikundaneki okudja kouministry  onghela owati omutengenekwa faneko ota utulwa poshitaafula oku yandja omuvalu woshimaliwa shonumba osho tashi ka kwafela meemumbwe domayakulo apumbiwa koshiwana fiyo opefimbo opo tashi ka kusha mo  31 March 2026.

Omutengenekwa faneko woneudo ouli wotete tautulwa poshitaafula koshi yewiliko lomupresident wa Namibia wotete omukainhu Meme Netumbo Nandi Ndaitwah.