Oshilando sha Windhoek otashi pula mboka yena aaholike yawo ya fumbikwa komawendo ga Gammams opo ya talelepo omawendo ya tale ngele oombila dhawo odha yonagulwa komvula

Oshilando sha Windhoek osha tseyitha kutya oomvula oondhigu pokati ko 17 no 21 March oya yonagula oombila komawendo ga Gammams ,oshowo oondjila.
Momushangwa, elelo lyoshilando otaliindiile mboka yena aapambele ya fumbikwa komawendo ga Gammams opo ya talelepo omawendo ya tale ngele oombila dhaaholike yawo odha yonagulwa komeya,yo ya ninge omalongekidho gokudhi opaleka.
Naamboka taa iyadha yeli mompumbwe yeyambidhidho otaya indilwa ya ninge ekwatathano noshikondo shomafumbiko noku fika omidhimba.
Omanga natango elelo lyoshilando lya nongele wo iilambo moondjila omolwa omvula,noku guma egameno lyaahingi naayendi yokolupadhi.
Taliti aanilonga yawo otaya nongonona oondjila dha gumwa,notaya opaleke oondjila pakathimbo opo ashike dhi vule okulongithwa.
elelo lyoshilando taltii otali ka vula ashike oku longa oondjila nawa shampa omvula ya sheka.
naahingi otaya indilwa ya hinge nuukeka,ya hinge ondapo ya ngambekwa, noku kala aluhe yeli uupathi,unene moondjila dhoka dha yonuka unene komeya.