Amupanda okuuka ngaashingeyi kompangu ya shigako sho oshipotha shomusinda omutiligane sha kuthwamo mompangu yopombanda

Omuleli goshikonga sho AR Job Amupanda okwati otaka ninga eindilo talululo lyetokolo lyompangu yopombanda ,ndjoka ya kuthamo oshipotha shomusinda omutiligane mompangu.

Omutamaneki Shafimana Uitele okwa mono kutya Amupanda ina gandja uumbangi wa gwana mompangu.

Amupanda ta shanga kepandja lye ko facebook kutya kapwali etamaneko,notaayi kompangu yopombanda elela hoka oshipotha shawo itaashi ka pulakenwa komutamaneki gumwe ena oofalama mbali ,ye iha futu iifuta yokongulu.

Tati omusinda omutiligane gomomumvo 1896 oguna oku zapo.

Amupanda a kalelwapo ku Mbushandje Ntinda palombwelo lya Kadhila Amoomo okwati omusinda omutiligane inagu indikwa paveta yontumba,nogwa tulwapo ethimbo lyuukoloni oku indika einyengo lyaantu okuza konooli okuya kuumbugantu woshilongo.

Na Uietele okwa gwedhako wo kutya uumbangi wa Amupanda kutya aantu okuza kuumbugantu woshilongo ohaya ihumbatelwa sha yooloka kaantu okuza konooli yoshilongo kawuna ongushu,na ita vulu okuwi inekela.

Tati wo Amupanda ina gandja uumbangi kompangu okuulika nkene epangelo halii ihumbata uuna tali indike oku tuta iilongomwa yiimuna okuza kehala limwe okuya kehala ekwawo.