China ayandja oshali shee tonnes dolwishi ku Uganda

Epangelo la China okwa lopotwa la yandja omaano ee tonnes dolwishi difike   1,610 koshilongo Uganda opo kuyandjwe omakwafo kovanhu tava hangwa monooli uninginino woshilongo moshitopolwa Karamoja, ovo vadidilikwa tava hepekwa konghalo yondjala.

Oo eli omukalelipo shilongo wa China mo Uganda Zhang Lizhong,  ota kulopotwa oye ayandja omaano oikulya kwao eli omuprima miniter wa Uganda Robinah Nabbanja, osho sha ningilwa ponele yomungulilo yoprograma yoikulya koshi yehangano liwana yahangana moshilongo osho.

Omukalelipo shilongo Zhang, pefimbo tayandje omaano okwati etokolo la China olili tali nyamukula keingido lomakwafo, olo lali lapifiwa kombelewa yomu Prima opo ku kwafelwe oshiwana tashihangwa moshitopolwa sha Karamoja.

Zhang taulike elineekelo laye kutya omakwafo olwishi oo ayandjwa okudja kepangelo loshilongo shavo otaa kakwafela oshiwana shili moupyakadi.

Okwati epangelo la China, ota litwikile no kutwa epepe oshilongo Uganda moku kondjifa onghalo yondjala noku yambidida yoo Uganda moku hanga omafaneko enasha nomayambulepo oshilongo.

OmuPrime Minister wa Uganda Nabbanja, okwa ulika olupandu laye tati oikulya ota ika yandja ekwafo pefimbo lapumbiwa koshiwana.

Oshikondo shomakwafo opaulumomumbwe moshilongo osho oshali sha lopota kutya omuvalu wovanhu vedulife po 500,000 mo Karamoja, ova taalela ondjala onghalo oyo ili unene yakuma ounona veli koshi yomido dili 15.