Mali,Burkina Faso na Niger oya tseyitha iihohela iipe yoo % 0.5 miinima mbyoka tayi etwa miilongo yawo

Iilongo yomuutokelo wa Africa,Mali,Burkina Faso na Niger oya tseyitha iihohela iipe yoo % 0.5 miinima mbyoka tayi etwa miilongo yawo ,sho tayi kongo oku yambidhidha pashimaliwa  embwinda lyawo lyiilongo itatu, sho ya thigipo embwinda enene lyopaliko moshitopolwa.

O Alliance of Sahel states oya tameke mo 2023 onga etsokumwe lyegameno pokati kaapangeli yopakwiita yiilongo yopatatu,mboka ayehe ya kuthako oonkondo dhoku lela moomvula dhongaashingeyi.

Nembwinda olya koka,nolina oompangela dhoku kala no passport yopaungomba nuukumwe wopaliko nowopakwiita.

Iihohela ya ziminwa metitano otayiyi miilonga meendelelo ngaashi tashi vulika.

Iinima ya gumwa oombyoka ya kuthwa pondje yiilongo yopatatu,na inaya kwatelamo omakwatho gopantu.

Etokolo olya hulithapo iipindi ya manguluka muutokelo wa Africa,mbyoka iilongo moshitopolwa ya kala kohi yo ECOWAS.

O ECOWAS oya tulilemo iilongo yopatatu oondjindikila dhopaliko ,dhopashimaliwa nodhopapolitika okuyi thiminika yi shune iilongo komapangelo goshigwana.