Minister Mac Albert Hengari audaneka oku katukila Amushelelo onghatu yopaveta

Minista wounamapya ,Mac Albert Hengari okwa pula opo omuxwaxwameki woshiwana Michael Amushelelo a yandje ouyelele welixwapo kombinga yokanona oko temupopile akwatwa keenghono.

Elombwelo la minista oleya konima eshi Amushelelo ashanga kepandja laye lomalungula loFacebook, oshivike sha djako  (28 March 2025) kutya Hengari okwa kwata keenghono okanona ko kakadona kena omido dili 16 noku ninga eteelelo.

Sheliwatelela komushangwa wa Amushelelo, oo atula koikundaneki yo malungula okwati Hengari okwa ningila omahepeko okanona osho sha kwatelamo oku ya nako moixulo noku fininika okanona ka kufemo eteelelo naashi eteelelo la kufwamo okwa li pula osho shadjamo eshipewe.

Okwati  no nande kwali kwa patululwa  oshibofa shekwato keenghono, epeko loshibofa olakana tati natango Hengari, oye twoo oye tuu natango eli xee yo konana kanakuningwa oshihakanwa oko kena eehani dili 7 paife.

Okwati yoo minister Hengari okwali aningila okanona omatilifo edipao, ngenge okanona oixuna oyo ekaningila okeipopi.

Minister Hengari ota kulopotwa ayandja elombwelo oku pitila momukalelipo waye wopaveta wehangano lo Shikale & Associates Inc.

Monumwafo oyo atumina Amushelelo, okwa pula opo Amushelelo ayandje edina lo kakadona naiyina yako.

Hengari okwati omapopyo oo tapopilwa kaena oushili, ashike oku lilepo oku kwatelela edina laye nongilishi.

Okwa pula opo ouyelele oo uka ningilwe omakonaakono ku talike ngenge oye eli shili xee yokanona ka naku kwatwa keenghono.

Okwa pula opo elombwelo likale latulwa  moilonga omanga omafiku 4 April 2025 inaa konda.

Momukanda omo twoo omo owa yelifa kutya kapena omunambelewa wopolifi ile omukonaakoni ali aya mekwatafano na Hengari, shinasha nekwato keenghono tali popiwa ku Amushelelo.

Amushelelo kepandja laye lomakwatafano opaungoba okwe shiyelifa kutya kena oumbada washa nokwa twa omukumo ovanaveta va Hengari vapule komesho noku twala oshikumungu komangu.