A hahalwa nekatana sigo eso kohondamati ye

Omulumentu omukwashigwana gwa Angola gomimvo  24 okwa mangwapo uusiku wosondaaha kofaalama yili momudhingoloko gwa hochfeld,sho a ponokele noku hahala ohondakadhona ye nekatana sigo eso.

Omukuluntu gwiipambele yoshigwana mopolisi yoshilongo moshiitopolwa Otjozondjupa Senior Inspector Muareen Mbeha nena okwati nakusa okwa tongololwa kutya oye omunamimvo 31 Lain Iiyambo.

Iiyambo okwali omu Namibia ngoka ha longo mofaalama opamwe nomufekelwa.

Mbeha tati oshiponokela osha holoka osondaaha loputundi onti 20h30 ko Olundago Farm moshikandjo sha Okahandja.

Omakonakono gopolisi gopetameko oguulike kutya omukintu okwa ponokelwa nekatana iikando oyindi komaako,mothingo nomumutse kohondamati ye.

Nokwa hulithile poshiponga.

Omufekelwa okwa tegelelwa aholoke mohofa ya Okahandja oshiwike shika,nomakonakono gopolisi otaga tsikile.