Omidhimba 15 dhaanilonga yomakwatho dhiitsuwa mombila mo Gaza

Omidhimba dhaanilonga yomakwatho nomayakulo gopaulumompumbwe yeli 15 okuza mehangano lyomushigakano omutiligane,mo Palestian Civil defence nomiigwana ya hangana ,odhiitsuwa mombila muutokelo wa Gaza,shiikwatelela kaanambelewa yiigwana ya hangana ohela.
Omukuluntu gomakwatho miigwana ya hangana Tom Fletcher okwati omidhimba okwali dha fumbikwa pooha niinyakwi yiiyenditho,noya dhipagwa kaakwiita ya Israel omanga kwali taya kambadhala oku hupitha oomwenyo,notaya pula omayamukulo nuuyuki.
Onzonkundana yo Reuters oya lopota kutya Israel ina tyakosha komaso gaanilonga yehangano lyomushigakano omutiligane.
Omaso ogeetitha ondjele yomaso yaanilonga yomakwatho ya dhipagwa okuza miikolokosha ya Israel-Hamas mo Gaza mo 408.
Iigwana ya hangana oyati aanilonga yuuhaku 1 060 oya dhipagwa moomwedhi 18 okuza sho Israel a tameke niiponokela ye mo Gaza,sho o Hamas ya ponokele uumbangalantu wa Israel mu 07 October 2023.
Omolwa omaipulo gegameno,iigwana ya hangana oyati otayi shonopeke aanilonga yawo yopashigwana mo Gaza noshititatu.