Uuministeli wuunamapya owa pewa elombwelo wu ilongekidhile etukuko lyoshipahu

O cabinet oka gandja elombwelo kuuministeli womidhingoloko,oohi,omeya ,nomatululo gomavi wu tameke nenongelo lyoshigwana, ketukuko lyoshipahu niipuka yilwe.

Shika osha hololwa kominista yomauyelele Emma Theofelus pethimbo lyetseyitho lyomatokolo go cabinet nena.

Minister tati o cabinet oka nongela onkalo yomuloka,oshowo omutalelo gwetukuko lyoshipahu mo SADC,nompito yoku ihanena mo Namibia,sho oshilongo sha yakula omvula oyindji.

Ta holola kutya iitopolwa yimwe yoshilongo oya yakula omvula yili nawa pokati ka February na March nuumvo.

Omanga o cabinet natango ka gandja elombwelo kuuministeli wegameno niipambele yaakondjeli manguluko wu gandje omakwatho gomewangandjo nagalwe ga pumbiwa oku kondolola etukuko lyoshipahu moshilongo.