China okwiindiile aakwashigwana ye ya yande oku kutha ombinga miita oludhi kehe

Uuministeli wiikwapondje ya China nena owiindiile aakwashigwana ya yande omahala gena iita noku kutha ombinga miita,sho omupresitend gwa Ukraine Volodymyr Zelensky ati aakwiita ye oya kwata aa China yaali taya kondjo naakwiita ya Russia.
Onzonkundana yo AFP oya lopota kutya omupopiliko guuministeli Lin Jian okwati China ota koleke uuyelele womondjila na Ukraine.
Tati epangelo lya China olya kala aluhe noku pula aakwashigwana ye ya kale kokule nomahala giita,noku yanda oku kutha ombinga miikolokosha ya homata mukehe oludhi.