Ovanambelewa voku shangifa oukalata vomahoololo vatumwa koshikandjohololo sha Otjiwarongo no Grootfontein

Ocommissi yomahoololo mo Namibia (ECN) moshitopolwa sha Otjozondjupa onghela metitatu oya shiivifa ya andjakaneka ovanambelewa vayo ovo tava ka kwatela komesho omahoololo awedwapo koshikandjo hoololo sha Otjiwarongo no Grootfontein.

Victoria Amutenya, meenghundafana ado aninga nodjo nghundana yo Nampa, onghela okwati osheendo sho vanambelewa ota shika tulwa peenele da yooloka do malishangifilo moikandjo hoololo aishe yo pavali mewiliko la supervisor Hilde Shipanga,  oo taka ka lelapo oshikandjo hoololo sha Grootfontein, oshoyo  Melody Muesee, taka supervisor oshikandjo hoololo sha Otjiwarongo.

Amutenya teshi yelifa kutya eenele dili 26 domalishangifilo odo da tofwamo ota dika longifwa oku hovela nena metine fiyo olomakaya komatango.

Amutenya  okwati ovo tava kapewa oukalata ovovo va wanifa omido 18 oshoyo ovo vatembukila  moikandjohoololo.

Okwati ovo vena oukalata vavo vakana ile vanyanauka navo ota va kapewa yoo omayakulo.

Omahoololo moikadjohoololo yo pavali okwe yapo konima eshi ovo vakala oo councillor voikandjohoololo oyo vaka waimina eumbo lomutumba wopashiwana.

Omahoololo okwa fanekwa aka kaleko mo 17 June 2025.