Ngoloneya omukulu gwa Ohangwena Usko Nghaamwa otiindiile epungulo olindji melongo lyokanona oka Namibia

Ngoka kwali ngoloneya gwa Ohangwena Usko Nghaamwa okwiindiile aa Namibia ya kuthe ombinga melongo muuwanawa wokanona oka Namibia.
Ta popitha aalongwa,aalongiskola naavali kegandjo lyomapapa ko Oshikunde Combined School,Nghaamwa okwati kehe gumwe ngoka ena iilonga ya simana moshilongo ngaashi oondohotola,noo engineers ayehe oya mona elongo lyongushu.
Tati elongo olya simana mepondolo lyetu,notuna okuli yambidhidha.
Ngoloneya omukulu goshitopolwa tiindiile oonkambadhala dhopashigwana dhopamuhanga oku pungula melongo,ta dhenge omuthindo kutya kehe okanona oka Namibia okiilongela ompito okuya koskola noku kutha ombinga mekoko lyopashigwana nehumokomeho.
ta popi pethimbo lya faathana,omukuluntu gwelongo moshitopolwa Ohangwena Isak Hamatwi okwati oskola ya Oshikunde Combined School oyili ponomola onti 8 okuza momandiki gomakonakono geli 58 moshitopolwa,noponkatu onti 59 yomooskola 143 moshilongo pandjele yomakonakono go NSCO,noku thigapo ooskola dhimwe dhoka dhina oonzo moondoolopa nomoshilando.
Tati wo oskola oyili ponomola onti 2nd pandjele yomakonakono go NSCAS.