President Netumbo Nandi Ndaitwah atalelapo omina yo Rössing Uranium

OmuPresident Netumbo Nandi-Ndaitwah okwe sheendulula nghene epangelo laye tali kwa shilipaleka kutya ouwa weedjo deemina moshilongo oda eta elunduluko li liwetikile keliko loshilongo.

Nandi-Ndaitwah, edi okwe dipopya mexulilo shivike pefimbo ali aka talelapo omina ya Rössing Uranium, oyo taihangwa mo Arandis.

Moshipopiwa shaye omutwe woshilongo wa Namibia, okwa denga omufindo nghene ewiliko laye lili le litulamo moku kwashilipaleka kutya eedjo doushitwe woshilongo oda yandja ouwa welunduluko leenghalo nawa dova Namibia unene kova nyanyamaulu.

Teshiyelifa nghene omafaneko oo atulwapo kongudu yo Swapo manifesto, akwatelamo ouwa weedjo doshilongo okweeta etungululo neemito doilonga mokati kovanyasha.

Omupresident talongifa natango omito oku  ulika olupandu laye kewiliko lomina ya Rössing Uranium, meenghendabala dayo doku ikwatela komesho no ku ikalekapo vali okudja  2027 fiyo  2036, osho tati oshili oshapi yefikilo lomayambulepo taa kalele oshilongo.

Tapula ovakomesho moshikondo sheemina va yandje oilonga, omadeulo, eyambidido loshimaliwa sheefikola oshoyo omadeulo ounangeshefa kovanyasha no mauwa yoo akwao awedwapo, ngaashi omaumbo oshoyo oimaliwa yo kuya moshipundi shetulumuko.