Ongundu yuukwiita ya Sudan yo Rapid Support Forces oya tseyitha yeetapo epangelo lyawo yene miikandjo mbyoka hayi kondolola, pethimbo ya gwanitha oomvula mbali dhiikolokosha ya homata moshilongo

Komanda gongundu Mohamed Hamdan Dagalo ohela okwati megwanitho lyoomvula mbali dhiikolokosha ,otaya tseyitha netumba eetepo lyo Government of Peace and Unity,embwinda enene lyoshigwana, ndyoka lya talako uukwashili wa Sudan.
Ta gwedhako kutya o RSF pamwe noongundu dhilwe dhoshigwana ,dhopapolitika nomawawa mo Sudan ,oya shaina ekotompango lyopakathimbo,lya kwatelamo ngaashi uuthema wu thike pamwe waayehe,inaahsi tala kuukwambepo,elaka,uukashikekokantu nenge uukwamuhoko.
Pehulilo lya March,aakwiita yepangelo lya Sudan oyati oshilandopangelo Khartoum osha mangululwa koorebel dho RSF,omanga oorebel dha yambulapo oonkatu dhawo dhopakwiita monooli uutokelo woshilongo petameko lya April.
Etanga lyopakwiita lya Sudan no RSF oya kala taya kondjele oku kondolola oshilongo okuza mu April 2023.
O International Committee of the Red Cross oyati iikolokosha oyeetitha etukuko lyomikithi ,noku guma omulandu guuhaku.