Yina yokanona ka thigwa kendiki lyoostola komulumentu ko Khorixas metine okwiifala komalelo

Yina yokanona hoka ka thigwa kendiki lyoostola ko Khorixas oshiwike sha piti okweya poluheyela sho uuvu kombinga yokanona ke komalungula ohela.

Chief Inspector Vehangaiza Hindjou ,omukuluntu gwiipambele yoshigwana mopolisi moshitopolwa Kunene nena okwati omukiintu okwali eli kUutjo nokwiifala komalelo.

Ta lombwele opolisi kutya okwa fala okanona kuhe kiilonga,opo a tameke oku ka takamitha,molwaashoka ye ota nyengwa oku takamitha okanona..

Oolopota dhokuyele odhati okakadhona koomvula mbali oka pewa okakadhona kwali ka kuutumba komeho yostola komulumentu inaa tseyika ko Khorixas metine.

Omulumentu ta lombwele okakadhona kutya otaka tala iinima yokanona kohauto,ashike ina galuka.

Hindjou tati he yokanona ota pulwapulwa kopolisi.

Noshipotha osha falwa kaahungimwenyo .