Opwiitsuwa omudhimba gwa yoonuka mokanala komeya ka Kasaya momulonga Zambezi

Opolisi yoshilongo oya tamekitha omakonakono sha landula sho pwiitsuwa omudhimba gwa yoonuka mokanala komeya ka Kasaya momulonga Zambezi.

Nakusa okwa tumbulwa kutya oye omunamimvo 25 Mike Ndjamba.

Omupopiliko gopolisi Inspector Kisco Kitali okwati Ndjamba okwa kana mu 01 May,sho a zi momukunda gwaandjawo Makona okuya komukunda Musere.

Sho inaa galukila kegumbo,omugandji gwe gwiilonga ta tseyithile opolisi olyomakaya ya 3 May.

Aakwashigwana oyiitsu oongaku dhe nokambautu ya kangalala mokanala,noku etitha olukongo ,ndoka lwa hulile moku itsa omudhimba gwe.

Inspector Kitali tati omudhimba otagu ka ningilwa omakonakono ku talike shoka sheetitha eso lye,nonando gwa yoonuka.

Omakonakono gopolisi ogeli metifa.