Yaali ya hulitha omanga yaali yeli moshipangelo sho taku fekelwa yali iikulya yina uuzigo mo Kavango West

Aantu yaali oya hulitha komukunda Sarukuwe moshitopolwa Kavango west sho taku fekelwa yali iikulya yina uuzigo.

okwa lopotwa aanegumbo yali omakunde omatalala okuza mepya,noshithima sha telekwa nuusila wepungu, wopolohalama yoshikukuta.

Komanda gopolisi moshitopolwa Julia Sakuwa Neo okwa koleke aanegumbo yahamano,omukulukadhi,omusamane,naanona yane ya gomboka sho yali omakunde noshithima metine.

Sha landula sho yali,aanegumbo ayehe oya tameke taya ehama momapunda,noku falwa koshipangelo sha Rundu.

Omakonakono gopolisi gopetameko oguulike kutya aanegumbo oyali oshithima sha telekwa nuusila woshikukuta.

Aanona taya thitha  uusiku,ya kuthemo oondjekona,dhoka dha tutikwa,tadhi tulwa pomutenya poshipeleki,noku tsuwa.

Uusila mboka owo nee wa liwa nomakunde omatalala.

Okanona komimvo 10 okamati oka hulithile koshipangelo sha Rundu  osondaaha,omanga okamati kalwe komimvo 15 ka hulithile koshipangelo ohela.

Omanga aanegumbo yalwe yeli yaali moshipangelo yeli moonkalo oombwinayi.

Yina nokanona kamwe oya lalekwa moshipangelo.

Omakonakono onkee taga tsikile.