Okomisi yoku kondjitha iimbuluma oya koleke emangepo lyomuhandimwe ena ekwatathano nomukalo gwaali mondjila,gwa kwatelamo omuniilonga go Roads Authority no supplier kOmbaye

Momushangwa guusiku wetiyali,omupopiliko gokomisi Josephine Nghituwamhata okwati omuntu okwa tegelelwa a holoke mohofa nena mo WHK.
Emangepo olya landula omakonakono,mwa kwatelwa ekwateko lyomaliko oshiwike sha piti,gongushu yoodola oomilion 2.
Sha simana moshipotha,oka invoice kongushu yoodola oomilion 2.37 okugandja oshiviha shoololi ko RA.
Oka invoice okwa lopotwa kiifundja,kuulika iinima nenge omayakulo ga gandjwa ngoka inaaga gandjwa.
O ACC oyati oshiviha shoka ngaashingeyi ohasi thithwa ko Etango Petroleum,nonando inashi pitikwa ko RA.