Ominista yuuhaku Dr Esperance Luvindano okwati uuministeli otawu ka ninga oshilalakanenwa oku tanununamo endiki lyo Etegameno Rehabilitaion Centre oku yakula aavu yokohi yomimvo 18

Endiki lyoombete 16 okwali hali yakula aavu mboka yena uupyakadhi welongitho lyiingangamithi.

Ta popile o Budget yuuministeli mopaalamende ohela,Luvindao okwa gwedhako kutya uuministeli oweetapo wo oopolohalama dhomalolelo dhaavu mboka ya hupila miikolitha niingangamithi,dhoka dha falwa kiitopolwa itatu,netununemo lyopashigwana otali thanekwa.
Omanga natango uuministeli woodheka oopolohalama miitopolwa ayihe 14 yoshilongo tadhi lalakanene oku keelela elongitho lyiikolitha niingangamithi,noku eta kondjila aantu mboka.
Opolohalama otayi tala wo kekeelelo lyomaikuthomwenyo,nokugandja omayakulo kaantu ya gumwa komaikuthomwenyo.