Oshikondo sheshangitho lyaakwashigwana osha pewa oodola oomilion 178.122 momumvo shimaliwa gonuumvo

Moshipopiwa sho budget ye,minister Lucia Ipumbu okwa holola omapondolo omanene goshikondo momumvo shimaliwa go 2024-2025.
Tati uuministeli owa gandja omikanda dhopashigwana dhili 110 620 pethimbo lyoshikonga sho Mass Registration okuza mu Feb-July 2024,omanga aantu yaahena uukwashigwana nenge inaaya shangithwa yeli 14 976 ya dhidhilikwa pethimbo lya fathana.
Minister ta nongele wo kutya uutendo nenge omikankalandu dhili ndatu dha simana odha pitithwa mo 2024.
Dho odho yo Regularisation of Status Act, Civil Registration and Identification Act (ya pingenapo onkulu yo Births, Marriages & Deaths laws), no Marriage Act of 2024 (ya pingenapo o 1961 Act).
tati omikankalandu dhika onkee inaadhi tulwa miilonga,dha tegelela emanitho lyeethelo lyadho.
Tati uuministeli onkee wiitulamo oku yela uukwashigwana,ekwatelemo ,nokugandja omikanda dhopaveta kukehe gumwe.