Minister wouhaku apandula oilonga pondoli hayeetwapo kovapangi

Namibia onghela okwa waimina oilongo ikwao mounyuni oku dimbuluka efiku lovapangi.

Efiku lovapangi oha lidimbulukiwa alushe mo, 12 May, latalika lili oshilimbo shoku yandja olupanda koilonga pondoli oyo hayeetwapo kovapangi  moshikondo shouhaku.

Oo eli ominsiter yonghalo nawa noundjolowele Dr. Esperance Luvindao, moshipopiwa shaye osho ayandja mefiku loku dimbuluka ovapangi, okwe shendulula kutya ouministry ota ulitulamo moku nghonopaleka omayambidido oo anuninwa ovapangi meenele doilonga.

Okwa denga omufindo nghene shafimana oku tala komashongo oo atalela ovapangi no kweeta elunduluko menele davo doilonga.

Okwati ovapangi okudja momandiki ayooloka ouhaku omo mwakwatelwa ou clinic no ipangelo ya kula ovelitulamo moku yandja eyakulo lavo koshiwana osho tati oha veshiningi nelididimiko.

Minister moshipopiwa shaye  tatu omukumo ovapangi vatwikile noku longa noudiinini noku kwatako eemito odo tadi hangwa moshikondo shouhaku nelalakano lokweeta elunduluko.

Dr. Luvindao, okwa pula yoo oshiwana shifimaneke noku tula koshivalo ovapangi eshi veli ekipa lombuda moshikondo shouhaku.