Edhingoloko eti 12th lyo Africa CEO Forum olya patuluka ohela mo Abidjan

Edhingoloko eti 12th lyo Africa CEO Forum olya patuluka ohela mo Abidjan,kohi yehuku:Can a New Deal Between the State and Private Sector Deliver the Continent a Winning Hand?”
Onzonkundana yo Xinhua oya lopota kutya aaleli yoongeshefa naanambelewa yepangelo ya thika 2 500 okuza miilonga ya konda 75 otaya kutha ombinga momutumba gokomumvo,tagu lalakanene okweetapo etsokumwe epe pokati komapangelo noongeshefa dha Africa, oku endeleleka elundululo lyopaliko lyoshitopolwa.
Omutumba gomasiku gaali otagu tala koonkambadhala dhoku nawapaleka epangelo,oku nawapaleka omilandu dhoshigwana ,noku endeleleka etulomiilonga lyo African Continental Free Trade Area.
Peegululo lyomutumba,omupresitend gwa Ivory Coast Allasane Qouttara okwiindiile aaningi yomatokolo ya Africa ya dhiladhile natango omilandu dhelongelokumwe pokati kiikondo yepangelo noyopaumwene.