Aantu ya 5 yena uulema oya pewa iipambu yevi ko Swakopmund

Iipambu yevi yuunene woo square metres 1 740 yili molukanda DRC noyina ongushu yoodola 261 000 oya gandjwa kombelewa ya Muni gwa Swakopmund ohela.
Ta gandja oonzapo dhuuyene wevi,kamusela goshikandjohogololo Louisa Kativa okwa hokololola oshiindingili kutya kashishi ashike okugandja evi,ashike oshili edhidhiliko shelundululo.
Omunashipundi gwehangano lyaanulema moshilongo moshitopolwa Erongo Edith Kukuri okwa tumbaleke osheetwapo onga epondolo enene, nokwiindiile aaleli ya longe oshindji oku landula osheetwapo shafa shoka.