Oonkundathana dhuukilila oku hulithapo iita ya Russia mo Ukraine moomvula dha konda pu ndatu odha tameke ohela mo Istanbul

Oonkundathana dhuukilila oku hulithapo iita ya Russia mo Ukraine moomvula dha konda pu ndatu odha tameke ohela mo Istanbul,niitegelelwa yili pevi kutya oombinga mbali otadhi ka tsa kumwe oku hulithapo iikolokosha yi kenyeneka mo Europe okuza miita iitiyali yuuyuni.
Ukraine ota kongo ekodhekepo lyiikolokosha,momalugodhi ngoka ga dhipaga aantu omayovi,noku hanagulapo iitopolwa inene ya Ukraine,noku tululula aantu oomilion.
Moscow otati okwa hala oku yamukula kosheetithi shiikolokosha,noku yumudhapo oonkudnathana dhomo 2022 dhoka nda ndopa,moka ta pula iitegelelwa niipumbiwa ku Ukraine.
Ominista ya Turkey yiikwapondje Hakan Fidan okwiindiile eegeko lyiilwitho,sho a patulula oshigongi pokati kosheendo sha Ukraine nosha Russia mo Dolmabahce Palace mo Istanbul.
Tati omanga iita tayi tsikile oku faalela oomwenyo,osha simana opo eegeko lyiilwitho li tulwe miilonga meendelelo ngaashi tashi vulika.