Mo Libya,omidhimba inaadhi tongololwa dhili 58 ohela odhaadhika moshipangelo mo Tripoli

Oshipangelo oshali tashi kondololwa kongundu yuukulo ndjoka omuleli gwawo a dhipagwa oshiwike sha piti,shiikwatelela kuuministeli wiikwameni.
O Reuters oya lopota kutya omidhimba odhaadhika mokila mo Abu Salim Accidents Hospital.
Omidhimba odha yoonuuka,nodhili kuumbete womidhimba nokoombete dhiipangelo,omanga dhimwe dha pya.
Omakonakono ogeli metifa oku tongolola oonakusa.
Mo Abu Salim omwali hamu longele ongundu yo Stabilization Support Apparatus,ndjoka omukuluntu gwayo Abdulghani Kikli a dhipagwa omandaaha ga piti.
Libya onkee keehena engungumano okuza pomakuyunguto gomo 2011 ,ngoka guumbuko noku dhipaga omupresitend Moammar Gadaffi,noshilongo osha topoka momapangelo gopaali.