Omupresident gwa South Africa okuli ko America,notaka tsakanena nomupresitend Donald Trump ongula

Omupresitend gwa S.A Cyril Ramaposa okwa thiki ko America ohela,komeho yoshigongi shangula nomupresitend Donald Trump
Etalelepo lye olyeya pethimbo mpoka uukumwe woshilongo she na Washington waaheli ngaashi wa kala omimvo dha tetekele.
O Africa news oya lopota kutya Ramaposa okuna omukumo oku shunapo noku yambulapo uukumwe pokati kiilongo yopaali,unene ngele tashiya kiipindi.
Okuza sho a galukile mo White House Trump okwa teteko omakwatho agehe gopashimaliwa ku S.A,noku tidhako omukalelipo shilongo gwe,noku gandja ombedhi ku SA. yomadhipago gakwaanohenda taga ningilwa aatiligane aapopi yelaka lyoshimbulu aa S.A.
Oshiwike sha piti,America okwa taamba aapopi yoshimbulu aatiligane aa SA. yeli 59 mboka yati okwali taya odhekwa moshilongo shawo.
Ombelewa yomupresitend oyati Ramaposa otaka ikunda iipambele yelongelokumwe ,yopashitopolwa noyopauyuni na Trump.
Nokwa enda pamwe naanambelewa yepangelo ya yooloka,mwa kwatelwa ominista yuunamapya John Steenhuisen,eli omuleli gongundu yo DA.
Omanga eli mo Washington Ramaposa okwa tegelelwa iikunde oompito dhopangeshefa nomahangano gomvalele ya SA,Elon Musk ngoka a ninga gumwe gomokuume naagandji mayeye ya Trump .