Oshikondo shuuhaku mo Northern Cape osha holola eikwatopomutima omolwa omwaalu tagu indjipala gomidhimba inaadhi ka talwako kookila dhepangelo moshikandjo

Oshikondo,shiikwatelela ko SABC oshati onkalo otayi tula ethindakano kokuvula koku pungula omidhimba ,unene komandiki mo Kimberly nomo Hartswater.
Omukuluntu guuhaku mo Northern Cape Maruping Lekwene,okwati omidhimba dha thika 100 inaadhi ka talwako ,odhili mookila moshikandjo.
Tati omidhimba dhoka inadhi ka talwako kaapambele,notashi ningi uupyakadhi molwaashoka itayedhi pungula sigo aluhe,molwaashoka oyena wo okutaamba omidhimba dhoka tadhiyamo.

Mu August omumvo gwa piti,omidhimba dha konda 3 000 inaadhi ka talwako kaapambele odhali mookila moshilongo ashihe.
Oshikondo oshati otashi longo nopolisi oku tongolola oonakusa.