Opaalamende ya Uganda ohela oya pititha oveta ya talululwa,ndjoka tayi pitike oompangu dhopakwiita dhi tamaneke aakwashigwana

Opaalamende ya Uganda ohela oya pititha oveta ya talululwa,ndjoka tayi pitike oompangu dhopakwiita dhi tamaneke aakwashigwana,noku etitha etindo koompilameno dhoka dhati etokolo olya pogola etokolo lyompangu ya shigako ndjoka yiindika omatamaneko ngoka.
Omukalo gwa kala noku longithwa omimvo 20 dha piti,ogwa kala noku shekwa kaanapolitika yompilameno,naahwahwameki yuuthemba womuntu mboka taya gandja ombedhi kepangelo oku longitha oompangu dhopakwiita oku mweneka mboka yeli ompinge nalyo,shoka lya tindi.
Onzonkundana yo Reuters oya lopota kutya opaalamende oya shanga ko Twitter kutya oveta oya pitithwa.
Nomupresitend Yoweri Museveni okwa tegelelwa eyi zimine opo yiye miilonga.
Metokolo mu Jan,ompagu ya shigako oyiindiike etamaneko lyaakwashigwana moompangu dhopakwiita,tayiti oompangu dhoka kadhina okuvula kopaveta okuungaunga niipotha momukalo guli pauyuki.