Aanona yaali aashona oya hulitha komukunda Korokoko moshikandjohogololo sha Ndiyona sho yali o Cassava

Aanona yaali yoomvula ndatu oshowo ne oya hulitha omolwa efekelo lyuuzigo wiikulya,sho yali o Cassava komukunda Korokoko moshikandjohogololo sha Ndiyona mo Kavango West olyomakaya.

Omukwatakanithi gwekondololo lyiimbuluma moshitopolwa ,Omupevi komufala Bon Kanyetu okwa koleke oshiningwanima,tati aanegumbo yalwe yatano mboka nayo yali o Cassava oya taambelwa moshipangelo yeli moonkalo dhili hwepo,omanga omuntu gumwe tatipo hwepo kegumbo.

Oonakusa oya tumbulwa kutya oyo Mukosho Mahundi na Thikushi Ngonde,mboka ya hulithile megumbo lopotundi 01h00 uusiku wa piti.

Okwa hokololwa yina yoshihakanwa shimwe a teleke o Cassava,hoka ka liwa kaanegumbo ayehe pethimbo lyomwiha.

Lopotundi onti 21h00,aanona nomukuluntu gumwe taya tameke taya kungu,noku kanitha oonkondo.

Kanyetu tati omaso guuzigo wiikulya otaga indjipala nogeli eipulo kopolisi.

Ta lombwele o Nampa kutya oya thaneka oku talelapo omahala hoka oshigwana hashi kutha o Cassava, noku tala kompito yoku konakona evi.

Omakonakono gopolisi otaga tsikile.