Okomisi yomahogololo mo Otjiwarongo nomo Grotfontein otayi gandja uukalata womahogololo kwaaamboka ya kanitha wawo nenge mboka wa yoonuka

Okomisi yomahogololo nena oya tameke noku gandja uukalata womahogololo moshikandjohogololo sha Otjiwarongo na Grootfontein omolwa omahogololo ga gwedhwapo moshitopolwa.

Omunambelewa gokomisi yomahgololo ena sha nelongo lyomahogololo moshitopolwa ,Beatrice Sililo ,okwati mboka ya kanitha nenge uukalata wawo wa yoonuka oyo ashike taya pewa uukalata womahogololo.

Tati oshikumungu osha tameke nena tashiyi sigo 12 June.

Tiiindiile ayehe mboka ya kanitha nenge uukalata wawo wa yonuka, ya faalele egano lyopolisi nokamutse koshilongo, opo ya ka pewe uukalata uupe womahogololo.

Aahogololi miikandjohogololo iyali otaya ka hogolola mo 17 June oku hogolola ookamusela yiikandjohogololo yawo,sho ookamusela yawo,Marlyan Mbakera gwa Otjwarongo na Elder Filipe gwa Grootfontein ya wayimine egumbo lyopashigwana mu March nuumvo.