Okomisi yomahogololo otayi gandja uukalata womahogololo kwaamboka ya kanitha wawo nenge wa yoonuka moshikandjohogololo Kabbe South

Okomisi yomahogololo otayi gandja uukalata waomahogololo kwaamboka yaadha oku hogolola, komeho yomahogololo ga gwedhwapo geliko mo 17 June moshikandjohogololo sha Kabbe South.
Mboka taa pewa uukalata uupe,oomboka uukalata wawo wa kana nenge wa yoonuka.
O Returning Officer momahogololo ga gwedhwapo moshikandjohogololo, Kahimbi Masule okwati uukalata otau gandjelwa kombelewa yoshikandjohogololo ko Nakabolelwa okutameka nena sigo ometine.
Egandjo lyuukata otali endele pamwe nomadheulo gomasiku gatano gaanambelewa yomahogololo 128 ko Katima Mulilo.
Omadheulo ga tameke ohela otaga tala kiipalanyole ngaashi ooveta dhomahogololo,ekoleko lyaahogololi,omilandu dhowina,oku pata omahogololo noku yalula omawi,oshowo iizemo yomahogololo,nokuyi teyitha nosho tuu.
Omahogololo ga gwedhwapo ogeetithwa kezomiilonga lya kamusela omukulu John Likando mu March,ngoka a wayimine gumbo lyopashigwana.