Uuministeli wuuhaku ouli moshikumungu shoku longa oshigwana esimano lyotuntila yo Human Papillomavirus

Uuministeli wuuhaku ,wa wayiminwa kookume aanene ngaashi oshiketha shaanona miigwana ya hangana,ehangano lyokankela moshilongo,nehangano lyuundjolowele muuyuni oya kutha onkatu yopamuhanga oku longa oshigwana kombinga yotuntila yo Human Papillomavirus (HPV).

Onga oshitopolwa shoonkambadhala dhopashigwana dhootuntila,otuntila yo HPV otayi ka gandjwa kaakadhona yomimvo 9-14 moshilongo ashihe.

Otuntila oya ziminwa paunamiti,noyuulika tayi longo oku keelela okankela yokoshivalelo,omukithi ngoka tagu tsikile oku faalela oomwenyo  dhaakiintu oyendji aa Namibia.

Uuministeli otawu tsikile oku dhenga omuthindo kutya otuntila itayi dhengele ,nokapena okanona taka thiminikwa ka tuntilwe ,ashike uuministeli owiitulamo oku gandja uuyelele wa pumbiwa opo aavali ya kuthe omatokolo gomondjila.

Ta popi ko NBC Talk of the Nation,minister yuuhaku Dr Esperance Luvindano okwa ningi eindilo kaakuluntu naatekuli yaanona moshilongo ashihe.

Tati oshili kombinga yoku hupitha oomwenyo dhaakadhona aagundjuka,

Ta dhenge omuthindo kutya otuntila yo HPV kayishi ompe ku Namibia,ashike oya kala moshikondo shopaumwene okuza mo 2007.