Oshimu sho mu president wa Zambia kwali nale Lungu, ina shidjako natango ko SA

Oshimu shao ali nale omu president wa  Zambia  Edgar Lungu, okwa lopotwa ina shifika vali moshilongo shavo onghela ngaashi shali sha shiivifwa ku yele.

Omupopiliko wo vakwanedimo nokuli yoo omukalelipo wo paveta Makebi Zulu, metivali okwati etutumbo loku kufa oshimu  sha  Lungu ko S.A, noku sheeta mo Zambia ola undulilwa komesho nefiku olo olutu laye tali ka ku fwamo ota li kashiivifwa ko hainga.

Tapopi poshivilo dimbuluko osho shali shaningilwa mo South Africa, Zulu okwati opa ningwa omalongekido oo atulwapo.

Molomakaya, Zulu ta popi kutya ovapambele ova potokonona opo olutu la Lungu, li ku fweko paumwene.

Nande ongaho epangelo la Zambia osondaxa ola yandja eshiivifo kutya nakufya  Lungu,  oo axulifila ko South Africa mo 05 June, ota etwa moshilongo metitatu lo 11 June.

Epangelo ola yandja yoo elombwelo opo oshilongo shi lile eenghali do pashiwana oule womfiku eli 7, osho sha hovelele okudja mo  8-14 June 2025.