Esiku lyo World Book and Copyright day lya tyapulwa mo Windhoek

Aalongwa naalongiskola okuza kooskola dha yooloka mo Windhoek oya ngundumana ko National Library of Namibia , okutyapula esiku lyo World Book and Copyright day.

Hali tyapulwa kehe omumvo mo 23  April ko United Nations Educational, Scientific and Cultural Organisation (Unesco), o World Book and Copyright Day ohayi tyapula oonkondo dhomambo oku kwatakanitha iigwana noohedhi.

Ta popi petyapulo,M’Kariko  Amagulu,omukuluntu muuministeli welongo,okwati esiku ndika ohali tyapulwa oku simaneka ashangi muuyuni.

tati olili esiku oku tyapula eshambuko lyoku lesha,uuyamba wuuthiga woku lesha noku shanga nuuthemba waashangi naayetipo yiinyanyangidhwa mboka iilonga yawo hayi hwahwameke elongo,nomadhilongo giikalekelwa.

Tiindiile ompumbwe yeendelela yoohedhi dhoku lesha,unene mepipi egundjuka.

Nesiku olya  tyapulwa kohi yehuku:read your way.