Iiponokela ya Israel oyili eigidho lyiita-Iran

Iran okwiithana iiponokela yanena kutya oyili eigidho  lyiita sho Israel a dhenge iishonekwa ya konda 100  mwa kwatelwa omandiki gwiilwitho yiikwalute noku dhipaga aanambelewa yopombanda mokati kawo muna omukuluntu gwetanga lyopakwiita naanongo yiikwalute.

Onzonkundana yo APP oya lopota kutya omuleli gopombanda gwa Iran Ayatollah Ali Khamenei okwa londodha kutya Israel otaka taalela iilanduli yi kenyeneka omolwa iiponokela,omanga etanga lyopakwiita lya Iran lyati kapena engambeko keyamukulo lyalyo.

Mombaapila yuukitha kiigwana ya hangana ,ominista yiikwapondje Abbas Araghchi okwa hokolola iiponokela ya Israel kutya eigidho lyiita nokwiindiile o SC yi yamukule oshinima shoka meendelelo.

Etanga lyopakwiita lya Israel olyati Iran okuummbu oo drone dha thika 100,dhoka dha kondekelwa omanga inaadhi thika mo Israel,omanga oshishiindalongo Jordan ati okwa kondeka oo drone nooshela dhoka dha pogola ewangandjo lye.

Omupresitend gwa America Donald Trump kuyele okwa lombwele o Fox News kutya kena owino yiiponokela ya Israel,mbyoka Israel ati oya kwatelamo oodhila dhoo jet dha konda 200.

Trump okwa dhenge wo omuthindo kutya Tehran ita vulu oku kala noboma yiikwalute.