Omukuluntu wiliki go International Atomic Energy Agency Rafael Grossi otaka talelapo ko Iran ethimbo kehe a ka nongonone onkalo sha landula iiponokela ya Israel ongula yonena

 

 

Omukuluntu gwehangano lyiigwana ya hangana lyoku talela oopolohalama dhiikwalute, Rafael Grossi nena okwati okwa pyakudhukwa okuya ko Iran, oku ka nongonona onkalo ,sho Israel a ningi iiponokela yopakwiita ,mbyoka ya dhenge iishonekwa ya yooloka ,mwa kwatelwa omandiki giikwalute.

Onzonkundana yo Reuters oya lopota kutya moshipopiwa moshigongi sho International Atomic Energy Agency’s Board of Governors, Grossi okwati kapena naana oondjele dhoo radiation mo Natanz moka muna endiki lyiikwalute.

Tiindile oongundu adhihe dhi kale nuuketha noku yanda eindjipalo lyiiikolokosha.

Teendulula kutya kehe onkatu yopakwiita ndjoka tayi tula moshiponga  egameno nomandiki giikwalute otyi kala niilanduli iinene kaantu ya Iran,oshitopolwa nopondje.

Tati okwa tseyithila omalelo kutya, okwa pyakudhukwa okuya ko Iran methimbo efupi ,a ka nongonone onkalo ,noku shilipaleka egameno nekondololo lyoshiponga mo Iran.

Na ina holola kutya osigo opandjele yi thike peni ,eyonagulo lya dhidhilikwa ko  Nantaz nenge iitopolwa yini yendiki ya dhengwa.