President Hakainde Hichilema, apewa elombwelo ahamonike pefudiko la Edgar Lungu

Oo ali nale omu president wa Zambia Edgar Lungu, oo  axulifila ko South Africa mepipi lo mido 68 okwa lo potwa afiya ayandja elombwelo opo oo eli omu President wo shilongo Hakainde Hichilema, aha kufe ombinga mo malongekido efudiko laye.

Oikundaneki oyati elombwelo ola didilikwa la eta omaliudo ayooloka pokati ko va pambele va nakufya omupresident kwali nale Lungu, opamwe ne pangelo shinasha no malongekido efudiko.

Nonande epangelo la Zambia, lali layandja elombwelo oku ninga efudiko lo pambelewa ku Lungu, okwa lo potwa ovakwapata vaye ina va tambulako elombwelo nova popya kutya, omalongekido aeshe otaa ningwa paumwene.

Ovapambele ota va yandje oushima ke pangelo, kutya ola kala no kuya moshipala eenghendabala da Lungu doku ya molweendo oku ka konga omakwafo ouhaku manga kuyele.

Oo eli ominsiter yo i kwapondje ya Zambia Mulambo Haimbe, okwati nonande elombwelo lo va pambele ola pumbwa oku talikako nefimaneko, okwati efudiko lo muprsident kwali nale , Lungu olili la kuma ova Zambia aveshe,  molwaasho okwali omuleli wo pashiwana.

Okwati eenghundafana natango onghee dili metifa oku tala ngee tava mono ekandulepo lo mukundu mo upyakadi.

Lungu okwa wilika oshilongo Zambia okudja mo 2015 fiyo 2021.