Shoka tashi ningwa pokati ka Iran na Israel oshetu guma wo-Penda Naanda

Israel okwa tamekitha oshikonga oshinene tashiithanwa Operation Rising Lion noku dhenga omandiki ga konda 100 ongula yonena ,mwa kwatelwa giikwalute mo Iran noo factory dhooshela,noku faalela omwenyo gwa komanda gopombanda go  Islamic Revolutionary Guard Corps Hossein Salami nomukuluntu gopakwiita Mohammad Bagheri,naanongo oyendji yiilwitho yiikwalute.

Omupilima gwa Israel Benjamin Netanyahu okwati oshiponokela otashi tsikile sigo osho Iran keeheshi we oshiponga shopashitopolwa.

Moku yamukula Iran okumbu oo drone dha konda 100 ku Israel,netanga lyegameno lya Israel olyati odhindji odha kondekwa.

Omunambelewa kuluntu muuministeli wiikwapondje yoshilongo nomalongelokumwe Amb Penda Naanda ,a pulwa konzonkundana yetu kombinga yomahilathano pokati kiilongo yopaali okwati oshiponokela otashi ke tu guma momukalo gontumba.

Tati kehe shoka tashi holoka moshitopolwa shontumba muuyuni otashi ke tu guma molwaashoka omalandithilo oga kwatathana.

Tati ohatu landitha noku pindika muuyuni,nuuyuni otau pindike natse,nongele omalandithilo oga gumwa,nena noshilongo osha gumwa, notashi gumu wo iipindi yetu niiyemo yetu,tati inatu manguluka kwaashoka tashi ningilwa iilongo yilwe.

Ta gwedhako kutya inatu tyapula shoka tashi ningilwa iilongo yilwe,noku dhiladhila kutya oshi tuli kokule,molwaashoka kashili kokule natse.

Naashoka tashi ningwa muuyuni inashi ikalekelwa  kwaashoka tashi ningwa pooha natse.