Aantu yeli 38 000 oyena uulema woshipa moshilongo,shiikwatelela ko Census yo 2024

Uuministeli wuuhaku nonkalo nawa owa lopota kutya shiikwatelela ko Census yomumvo 2024,aantu ya thika 38 000 moshilongo oyena uulema woshipa.

Omiyalu dhika odha hololwa kondohotola yoshipa yepangelo Dr Salem Nambahu,petyapulo lyesiku lyo International Albinism Awareness day mo Kavango west metitano.

Esiku nuumvo olya tyapulwa kohi yehuku:‘Demanding our Rights: Protect our Skin and Preserve our Lives’.

Esiku ohali gandja enongelo kombinga yuulema woshipa noku yela uuthemba negameno lyaantu yena uulema woshipa moshigwana,shiikwatelela ku Nambahu,ta gwedhako kutya etokolo oku tamekitha oshikonga mo Kavango west osha nanwa komiyalu .

Tati oshitopolwa Kavango west osha lopotwa shina omwaalu guli pombanda gwaantu yena uulema woshipa.

Pethimbo lyetyapulo ngoloneya gwa Kavango west Verna Sinibo okwati epangelo onkee liitulamo oku kalekapo noku popila uuthemba waantu ayehe inaashi tala kuukwatya wawo nenge oompumbwe dhawo dhopauhaku.